Otuş beş yaş şiiri

، ياش اوتوز بش يولك ياريسی ايدر
دانته كبي اورتاسنده يز عمرك
دلی قانلی چاغمزده كی جوهر
يالوارماق ياقارماق نافله بو كون
كوزكك ياشنه باقمدن كيدر
شققلرمه قار می يغدی نه وار؟
بنم می اللهم بو چيزكيلی يوز؟
يا كوزلر آلتنده كی مور خلقه لر
ندن بويله دشمان كورونورسكز
ييللر ييلی دوست بيلديكم آينه لر
زمانله ناصل دكيشيور انسان
هانكی رسمه باقسه م بن دكلم
نرده او كونلر، او شوق، او هيجان؛
بو كولر يوزلی آدم بن دكلم
يالاندر قايغيسز اولديغم يالان
خيال ميال شيلردن ايلك عشقمز
خاطرسی بيله يابانجی كلير؛
حياته برابر باشلاديغمز
دوستلرله ده يوللر آيريلدی بر بر؛
كيتدكجه آرتيور يالكزلغمز
كوك يوزينك باشقه رنكی ده وارمش
كچ فرق ايتدم طاشك سرت اولديغنی
صو انسانی بوغار، آتش ياقارمش
هر دوغان كونك بر درد اولديغنی
انسان بو باشه كلنجه آكلارمش
آيوا صاری، نار قيرميزی صوك بهار
هر ييل براز دها بنمسه ديكم
نه دونوب دورييور هواده قوشلر؛
نردن چيقدی بو جنازه، اولن كيم ؟
بو قاچنجی باغچه كوردم تارمار؟
نيلرسك اولوم هركسك باشنده
اويودك اويانامادك اولاجق
كيم بيلير نرده، ناصل، قاچ ياشنده
بر نمازلق سلطنتك اولاجق
تخت مثالی او مصلا طاشنده

جاهد صدقی طارانجی