ساقی مدد ايت كه درد مندم
غم سلسله سينه پای بندم
غم دردنه حام می دوادر
تدبير غم ايلمك روادر
سندن نه عنايت اولسه واقع
فكر ايتمه كه بنده اوله ضايع
بن بر صدفم سن ابر نسيان
وير قطره وآل در غلطان
سنسين خورشيد و بن سيه خاك
وير آتش و آل جواهر پاك
رحم ايت كه غريب و درد مندم
بی مونس ويارو مستمندم
اول بر نيجه همدم موافق
يعنی شعراء روز سابق
تدريجله كلديلر جهانه
تعظيمله اولديلر روانه
دوران اولاري معظم ايتدی
هر دوربرين مكرم ايتدی
فضولی
0 Comments:
Yorum Gönder